Qatar na ƙara himma wajen ƙoƙarin diflomasiyya don rage rikicin Amurka da Iran
Jamhuriyar Musulunci ta Iran ta ci gaba da dagewa wajen kare yankinta, tana mai gargadin cewa: Duk wani hari ko tsoma baki daga ƙasashen waje zai fuskanci mayar da martani mai zafi da kuma ƙarin raɗaɗi ga makiya. Waɗannan saƙonnin sun zo ne a daidai lokacin da ake ƙara samun tashe-tashen hankula tsakanin Iran da Amurka, tare da gargaɗin illar da hakan zai iya yi wa tsaron yankin da kuma hanyoyin zirga-zirga a mashigar ruwan Hormuz.
Rundunar Sojojin Ruwan Jamhuriyar Musulunci ta Iran ta tabbatar da cewa: Kula da tsaron mashigar ruwan Hormuz gaba ɗaya yana ƙarƙashin ikon Iran ne, tana mai jaddada cewa baƙi ba su da wani tasiri a cikin wannan hanyar ruwa mai mahimmanci. Ta yi gargaɗin cewa duk wani yunƙurin Amurka na yin katsalandan wajen tantance hanyoyin jigilar kaya ko kuma sanya sabbin tsare-tsare zai fuskanci mayar da martani mai mahimmanci kuma zai iya kawo cikas ga sake buɗe mashigar ruwan da kuma cutar da muradun ƙasashen da ke amfana da shi. Rundunar Sojojin Ruwan Iran ta kuma yi kira ga jiragen ruwa da ke wucewa da su bi ƙa’idodin tsaron Iran da kuma samun izinin da suka dace.
Kanun labarai