Search
Close this search box.

Gaza: Tun Bayan Fara Hare Hare Kan Rafa HKI Ta Kashe Falasdinawa Kimani 120

Falasdinawa kimani 120 suka kai ga shahada ya zuwa yanzu tun bayan da sojojin HKI suka fara kai hare hare a kan garin. Majiyar kamfanin

Falasdinawa kimani 120 suka kai ga shahada ya zuwa yanzu tun bayan da sojojin HKI suka fara kai hare hare a kan garin. Majiyar kamfanin dillancin lanaran IRIB-NEWS a nan Tehran ya nakalto kwamitin ayyukan bada agajin gaggawa na garin Rafah yana cewa a tsakanin ranakun Asabar da Lahadi da suka gabata kadai sojojin yahudawan sun kai falasdinawa 30 ga shahada.

Kwamitin ya kara da cewa tun bayan soma hare hare na bayan nan a garin Rafah sojojin HKI sun tilastawa dubban Falasdinawa ficewa daga garin zuwa tsakiya da wasu waurare a cikin yankin na Gaza.

Labarin ya kara da cewa rufe kofar shiga ta Rafa wanda sojojin HKI suka yi a ranar litinin da ta gabata, ya kara tsananta rayuwar falasdinawa kimani miliyon 1.3 da suke rayuwa a garin. Mafi yawan mutane a Rafah yan gudun hijira ne daga sauran yankunan Gazi.

A makon da ya gabata ne majalisar ministocin HKI ta yanke shawarar kaiwa Falasdinawa hare hare a Rafah duk tare da gargadin kasashen duniya kan kada ta yi hakan saboda za’a rasa rayuwan falasdinawa masu yawa.

Fiye da watanni 7 ke nan da fara yaki a gaza sojojin HKI sun kashe  Falasdinawa fiye da dubu 35 a yayinda wasu kimani dubu 79 suka ji rauni.

Share

0 0 votes
Article Rating
Subscribe
Notify of
0 Comments
Inline Feedbacks
View all comments