Ministan cikin gida na Pakistan Mohsin Naqvi ya isar da sako na musamman daga FiraMinistan kasar Shehbaz Sharif wanda ya yi wa Jagoran Juyin Juya Halin Musulunci Ayatollah Seyyed Mojtaba Khamenei.

An mika sakon ne a yayin ganawa tsakanin ministan cikin gida na Pakistan da ya ziyarci Tehran da Ministan Harkokin Wajen Iran Abbas Araghchi a wannan Lahadi.

Bangarorin biyu sun yi nazari kan dangantakar kasashen biyu.

Sun kuma yi musayar ra’ayoyi kan sabbin abubuwan da suka faru game da kokarin diflomasiyya da ake yi na kawo karshen yakin Amurka da Isra’ila kan Iran.

A ranar Asabar, Naqvi ya gana da takwaransa na Iran, Eskandar Mo’meni.

Ministan harkokin cikin gida na Pakistan ya isa Tehran don tattaunawa da manyan jami’an Iran a daidai lokacin da ake ci gaba da kokarin sulhu tsakanin Iran da Amurka da Islamabad ke shiga tsakani.