Wakiliyar Al-Akhbar Amal Khalil ta yi shahada a garin al-Tayri da ke gundumar Bint Jbeil ta kudancin kasar Labanon, bayan wani yunkurin da Isra’ila ta yi da gangan wanda ya dauki kusan sa’o’i biyu.

Jadawalin abubuwan da suka faru a yammacin ranar Laraba sun bayyana niyyar harin.

Da karfe 2:45 na rana wani jirgi mara matuki na Isra’ila ya jefa bama-bamai kan wata motar farar hula da ke tafiya gaban Khalil da abokiyar aikinta ‘yar jarida Zeinab Faraj. Nan take ‘yan jaridun biyu suka nemi mafaka a kusa da wata bishiya, yayin da aka yi tuntubar gaggawa da kungiyoyin agaji na Red Cross da kuma bayanan sirri na sojojin Lebanon.