Tehran ta yi Allah wadai da sabbin hare-haren da Amurka ta kai kan kayayyakin more rayuwa na fararen hula, tana mai kiransu “laifukan yaki.
” Makamai masu linzami na jirgin ruwa sun afkawa wurare da dama, ciki har da gada ta layin dogo na kasa da kasa mai mahimmanci a arewa maso yammacin Iran wacce ake jigilar kayayaki tsaklanin Iran, China -Kazakhstan-Turkmenistan.
A cikin wata sanarwa da ta fitar yau Alhamis, Ma’aikatar Harkokin Wajen Iran ta yi Allah wadai da kakkausar murya kan keta Yarjejeniyar Fahimtar juna ta Islamabad da tsagaita wuta tsakanin Amurka da Iran.
A cikin awanni 48 da suka gabata, Amurka ta kaddamar da karin hare-haren laifuka kan Iran, tana zargin sojojin Iran da kai hare-hare kan jiragen ruwa da suka ratsa ta mashigin Hormuz ba bisa ka’ida ba a ranar Talata.
Wadannan hare-haren ba wai kawai karya doka Yarjejeniyar Majalisar Dinkin Duniya ba ne, har ma da karya Yarjejeniyar Fahimtar juna, in ji sanarwar.
Waɗannan hare-haren sun zo ne a daidai lokacin da al’ummar Iran ke nuna ƙudurinta na tunkarar maƙiyanta da kuma kare ikon ƙasar, da kuma haƙƙin mallakar ƙasa a bikin bankwana mai tarihi ga Jagoran juyin juya halin Musulunci, Ayatollah Seyyed Ali Khamenei.
Sanarwar ta ce abin takaici ne kuma “kalaman batanci” da shugaban Amurka da sauran jami’an Amurka suka yi wa al’ummar Iran. Ta ƙara da cewa janyewarsu daga yarjejeniyar fahimtar juna ta ranar 18 ga Yuni “ƙarin shaida ne na cin amanar su, tada hankali, da mugunta.”