Kiyasi ya nuna cewa: Mutane 7,000 ne suka mutu sakamakon gazawar gwamnatin Nepal na shawo kan masifar ambaliyar ruwa a kasar
Hukumomin Nepal na ci gaba da neman waɗanda suka tsira daga ambaliyar ruwan da ta afkawa arewacin ƙasar a ranar Laraba da ta gabata. Gano gawarwaki da kuma isa ga waɗanda suka ɓace ya zama ƙalubale, kuma gwamnati da sojoji na fuskantar zargin gazawa wajen shawo kan matsalar yadda ya kamata. Gwamnati ta dage cewa bala’in ya wuce ƙarfinta.
Ambaliyar ruwan ta yi sanadiyyar mutuwar mutane sama da 160 kuma ta yi sanadiyyar ɓacewar ɗaruruwa, galibin masu yawon buɗe ido, a Nepal da yankin Tibet mai cin gashin kansa da China ke jagoranta. Ambaliyar ta kuma share ƙauyuka tare da haifar da barna mai yawa ga gidaje, hanyoyi, gadoji, da kayayyakin more rayuwa na wutar lantarki.
A cikin wani rahoto da wakilin Al Jazeera Samer Allawi ya fitar, Ministan Yaɗa Labarai na Nepal Bikram Timilisena ya bayyana cewa hukumomi sun dawo da ayyukan sadarwa a yankuna da dama kuma ƙungiyoyi suna aiki dare da rana don gyara barnar. Ya kuma lura cewa akwai abubuwa da yawa da za a yi.