Masu shirya tarurukan jana’izar Jagoran juyin juya halin Mulinci na Iran mai rasuwa Ayatollah Seyed Ali Khamenei sun ce za’a yi sallar Jana’izar mirigayin a gobe Lahadi da safe.

Za a yi sallah jana’izar Jagoran da danginsa hudu da suka yi shahada tare da shi a babban masallacin Tehran a sanyin safiyar Lahadi, yayin da kasar ke ci gaba da tarurukan bankwana da shi a duk fadin kasar.

Za a fara jana’izar da karfe 8:00 na safe agogon kasar, babban masallacin Khomeini da ke Tehran, inda aka ajiye gawar Jagoran a ranar Asabar don zaman makoki da tarurukan bankwana da shi.

Sauran ‘yan uwansa hudu da suka yi shahada a harin na Amurka da Isra’ila a ranar 28 ga watan Fabarairu sun hada da: Dr. Mesbah al-Hoda Bakeri Kani, surukin Jagoran; Sai seyedeh Boshra Hosseini Khamenei, ‘yarsa; da Zahra Haddad Adel, surukarsa; da Zahra Mohammadi Golpaegani, jikarsa.

Bayan sallar jana’izar a ranar Lahadi, za a gudanar da babban jerin gwanon a Tehran a ranar Litinin kafin tawagar ta yi tafiya zuwa birnin Qom a ranar Talata.

Daga nan za a ci gaba da gudanar da jana’iza da ta’aziyya a biranen Najaf da Karbala na Iraki a ranar Laraba bisa bukatar shugabannin addini da siyasa na Iraki, kafin a kammala da binne Ayatollah Seyed Ali Khamenei Haramin Imam Reza (AS) da ke Mashhad a ranar Alhamis.