Shugaban kasar Iran ya bayyana haka ne gabanin tafiyarsa zuwa kasar Kyrgyzstan domin halartar taron kungiyar Shanghai (SCO).
Shugaba Mas’ud Pezeshkiyan ya ce; Mu ba ‘yan inda da yaki ne ba, kuma wannan shi ne sakon da muke aikewa duniya. Sai dai kuma ba za mu taba zama zura idanu mu zama ‘yan kallo ba a gaban duk wani hari da za a kawo mana.”
Shugaban kasar ta Iran ya kuma yi kira ga kasashen yammacin Asiya da su hada karfi wuri daya domin tabbatar da tsaro da ci gaba na tattalin arzikin yankin.
Shugaba Mas’ud Pezeshkiyan ya kuma yi Ishara da muhimmacin taron SCO domin ya hada shugabannin kasashe da dama wuri daya a lokacin da wasu cibiyoyi suke kokarin mayar da kansu ‘yan sandan duniya.
Haka nan kuma shugaban kasar na Iran ya yi fatan ganin taron na Kyrgyzstan da kuma ganawar bayan fage da za a yi a tsakanin shugabannin kasashe za su taimaka wajen samar da yanayi mai inganci a fagen tsaro da tattalin arziki a cikin wannan yankin.