Shugaban Kasar Azerbaijan ya aiko sakon wasika ga shugaban kasar Iran Mas’uod Pezeshkian
Shugaban kasar Azerbaijan, Ilham Aliyev, ya aiko da sakon wasika ga Shugaban kasar Iran, Masoud Pezeshkian.
A cikin wani rubutu da ya yi a shafinsa na X, Shugaban Azerbaijan Ilham Aliyev ya nuna godiyarsa ga Shugaba Pezeshkian saboda kyawawan kalamansa na abokantaka ga Azerbaijan.
Shugaba Aliyev ya jaddada cewa: Al’ummomin Iran da Azerbaijan suna tare da juna a lokutan wahala, yana mai cewa Azerbaijan ta sake nuna goyon bayanta ga ‘yan uwanta al’ummar Iran dangane da abubuwan da suka faru kwanan nan a yankin.