Kakakin ma’aikatar harkokin wajen kasar Qatar Majed al-ansari ya bayyana cewa ana ci gaba da kokari wajen ganin an rage banbance banbance dake tsakanin Washington da kuma birnin Tehran inda dukkan bangarorin biyu suka yi musayar bukatu, kuma kasashen yankin suna yin aiki tare wajen ganin an samu mafitar diflomasiya
Da yake hira da gidan talabijin din Aljazeera a birnin doha kakakin ya bayyana cewa Washington da Tehran suna duba bukatun da suka aike wa juna a matsayin wani bangare na kokarin da ake yi na ganin an cimma matsaya kan bukatun kowanne bangare domin kulla yarjejeniya
Haka zalika ya kara da cewa kasar Qatar tana aiki sosai da sauran kawayenta da kuma hukumomi na kasa da kasa wajen ganin an kawo karshen rikicin, kuma dukkan shuwagabannin yankin suna ci gaba da tuntubar juna na ganin an cimma matsaya da kuma kaucewa sake fadawa cikin wani sabon rikici