Shugaban Kasar Iran ya bayyana cewa: Iran a shirye take ga tattaunawa, amma ba za ta yarda da karban umarni ba
Shugaban Kasar Iran, Mas’oud Pezeshkian, ya ce Iran ba za ta mika wuya ga matsin lamba da barazana ba, yana mai jaddada cewa za a iya warware batutuwan da suka shafi batutuwa, ciki har da wadanda suka shafi mashigar Hormuz, ta hanyar tattaunawa, ba ta hanyar nuna karfi da barazana ba.
Kamfanin dillancin labarai na Mehr ya ruwaito cewa: A wata hira da tashar talabijin na Al-Jazeera ta Qatar, a lokacin ziyararsa New York don halartar zaman Majalisar Dinkin Duniya karo na 81, Shugaba Pezeshkian ya ce: Iran ba ta fara rufe hanyar jigilar kaya a mashigar Hormuz ba, kuma idan suka toshe hanyar jigilar mai na Iran, abu ne na dabi’a ga Iran ta dauki irin wannan matakin, yana mai bayyana cewa mashigar za ta kasance a bude ga cinikayya kyauta idan aka warware matsalar asali, amma ba za ta kasance a bude saboda da nuna karfin makamai. wanda hakan ke haifar da kunna wutan yaki a yankin.
Shugaban Jamhuriyar ya kara da cewa: Iran tana son zama da kasashen yankin don kiyaye tsaro, yana mai tabbatar da cewa babu bukatar tsoma baki a harkokin yankin, kuma kasashen yankin suna da ikon tabbatar da tsaron yankin tare.
Tattaunawa da Amurka ta dogara ne akan amincewa da kuma jajircewa a kan yarjejeniyoyi da aka cimma.