Ma’aikatar harkokin wajen Iran ta yi kakkausar suka kan harin da sojojin Isra’ila suka kai kan daya daga cikin gine-ginenta a Tehran babban birnin kasar, wanda ya yi sanadin jikkatar mutane da dama ciki har da ma’aikatan ma’aikatar.

Mataimakin ministan harkokin wajen kasar Saeed Khatibzadeh, a wata sanarwa da ya fitar jiya Lahadi, ya yi tir da harin a matsayin na “da gangan.”

Khatibzadeh, wanda kuma shi ne shugaban cibiyar nazarin manufofin harkokin waje na ma’aikatar, ya ce “Wadanda suka jikkata sun hada da abokan aikinsa da dama, wadanda aka kai su asibiti domin yi musu magani.”

Khatibzadeh ya bayyana lamarin a matsayin “har yanzu wani babban laifi na yaki” kuma wani bangare na “ci gaba da wuce gona da iri” na gwamnatin Isra’ila kan Jamhuriyar Musulunci.

Kalaman nasa na zuwa ne a daidai lokacin da Isra’ila ke ci gaba da kai farmaki kan Jamhuriyar Musulunci ta Iran da aka fara a safiyar Juma’a, inda suka kai hari a wurare da dama a fadin kasar ciki har da Tehran.