Jaridar New York Times ta bayyana cewa: Shugaban Amurka ya kasa samun nasarar juya akalar yaƙi da Iran kuma duniya na fuskantar bala’i
Jaridar New York Times ta yi gargaɗi game da illar da yaƙin da shugaban Amurka Donald Trump ke yi da Iran, tana mai bayyana cewa: “Abin da ya fi muni fiye da yaƙin da baya kan ka’ida shi ne rasa ikon mallakar yanayin yakin.”
Jaridar ta bayyana cewa: Trump “ya yi imanin zai iya ruguza wata gwamnati mai ƙarfi da wasu jiragen sama da kuma tayar da zaune tsaye da aka ƙirƙira,” jaridar tana mai lura da cewa abubuwan da suka faru sun tabbatar da akasin haka.
New York Times ta ƙara da cewa: “Duniya tana kan hanyar kunna wutar yaƙin duniya na uku, kuma da alama babu wanda, ciki har da shugaban Amurka, ke da iko da abubuwan da ke faruwa.”
Dangane da wannan ƙaruwar tashe-tashen hankula, jaridar New York Times ta yi kira da a “yi hasashen bala’in da kuma ɗaukar mataki mai kyau kafin wani mummunan yaƙi ya mamaye duniya.”