Jamhuriyar Musulinci ta Iran ta bayyana cewa a shirye ta ke tsaf kan duk wani tsarin diflomatsiyya, kamar kuma yadda ta ke a shirye a duk wani yaki akan ta.
Mataimakin Ministan Harkokin Wajen Iran Kazem Gharibabadi, wanda ke kula da harkokin shari’a da na kasa da kasa, shi ne ya bayyana hakan a wata hira da gidan talabijin na Al-Arabi inda yake cewa Tehran ta kammala martaninta ga bangaren Amurka game da shawarar da tawagar Iran ta gabatar a New York.
Dangane da tsarin tattaunawa tsakanin Iran da Amurka, ya jaddada cewa Jamhuriyar Musulunci ta Iran ta ci gaba da shiga tattaunawar, amma bangaren Amurka ya gaza cika sharadin da ke kansa a karkashin Yarjejeniyar Fahimtar Islamabad.
A wani taron manema labarai da aka gudanar a daren Lahadi a Bandar Abbas, wanda wakilan kafofin watsa labarai na kasa da na kasa suka halarta, mataimakin ministan ya bayyana cewa, game da shirin na kwanaki bakwai da matsayin Amurka a kai: “Masu shiga tsakani ne suka isar da wannan shawara.”
An tattara abubuwan da aka lura daga bangaren Amurka kuma a halin yanzu ana sake duba su, Amma sake bude mashigar Hormuz ya dogara ne kawai ga Amurka ta cika alkawuran da ta dauka a baya.
Ita dai mashigar Hormuz ta kunshi kashi daya bisa biyar na man fetur da iskar gas na duniya, da kuma kashi daya bisa uku na bukatun taki na duniya.
Jamhuriyar Musulunci ta Iran ta yi ikirarin dage wadannan takunkumin a matsayin wani bangare na yarjejeniyar da ta yi da Amurka kan sake kudaden Iran da kuma dage takunkumin Amurka.