Rahotanni sun bayyanan cewa duk da sabbin matakan da gwamnatin Najeriya take ikirarin dauka a kokarin sassauta tsadar rayuwa ga ƴan kasar wajen bunkasa samar da abinci a cikin gida allaluma na nuni da cewa farashin kayan abinci ya sake hauhawa a watan jiya na Yuli idan an kwatanta da yadda farashin ya ke a watan Yuni, lamarin da ke sake jefa jama’ar kasar mafi karfin tattalin arziki a Afrika.
Alkaluman da hukumar kididdiga ta Najeriya NBS ta fitar game da hada-hadar watan Yulin da ya gabata ya nuna cewa hauhawar farashin kayakin abinci ya tsaya a maki 20.31 wanda ke nuna sassauci idan an kwatanta da yadda farashin ya ke a irin wannan lokaci a bara wato watan Yulin 2025.
Alkaluman na NBS ya nuna cewa hauhawar farashin ya karu da kashi 5.56 a watan Yuli fiye da hauhawar da aka gani a watan Yuni na kashi 3.75, banbancin da ke nuna karuwar kashi 1.82.
Rahoto na daban ya yi nuni da cewa dimbin ƴan Najeriya basu ga tasirin shirye-shiryen da gwamnatin ke yi na sauƙaƙa rayuwa ba. Sai dai rahoton ya ce matsi da tsadar rayuwa ta saukaka a watan Yuli zuwa kashi 15.43 sabanin kashi 15.91 da aka gani a watan Yuni, wanda ke wakiltar raguwar kashi 0.48.