Shugaban Kasar Turkiyya ya bayyana cewa: Yarjejeniyar Makka don tsaro ba ta da alaka da batun Iran
Shugaban Kasar Turkiyya Rajap Tayyip Erdugan ya bayyana cewa: Yarjejeniyar Makka don tsaron hadin gwiwa tsakanin Turkiyya, Saudiyya da Pakistan bai kamata a dauke ta a matsayin yarjejeniya da aka yi don cutar da Iran ba.
A cewar kamfanin dillancin labaran Mehr, wanda ya ambato daga Russia Today, shugaban kasar Turkiyya Rajap Tayyip Erdoğan ya tabbatar a ranar Juma’a a wani taron manema labarai cewa: Yarjejeniyar Makka don tsaron hadin gwiwa tsakanin Turkiyya, Saudiyya da Pakistan ba ta shafi Iran, Isra’ila, ko wata kasa ba.
Erdogan ya ce kuskure ne a dauki yarjejeniyar Makka don tsaron hadin gwiwa a matsayin kawance da aka kafa kan Iran, Isra’ila, ko wata kasa ta uku ba.
Ya kara da cewa wannan yarjejeniya tana nuna nauyin da kasashen uku ke da shi ne wajen samar da makoma mai tsaro, zaman lafiya, da wadata.
Shugaban Turkiyya ya bayyana cewa: Kasarsa ta dade tana goyon bayan warware matsalolin yankin da kasashen yankin da kansu. Ya jaddada cewa wannan yarjejeniya tana da nufin inganta tsaro, daukaka matakin kariya, da kuma tabbatar da kwanciyar hankali na dogon lokaci.