Ministan Harkokin Waken Iran ya bayyana cewa: Iran da gaske take bin hanyar diflomasiyya kamar yadda da gaske take kare kanta
A jawabinsa ga jakadu da shugabannin ofisoshin diflomasiyya, Ministan Harkokin Wajen Iran ya bayyana cewa: Tabbas ya bayyana ga kowa cewa, Jamhuriyar Musulunci ta Iran da gaske take bin hanyar diflomasiyya kuma tana bada mahimmanci wajen duk wani ƙudurin kare kanta.
A cewar Kamfanin Dillancin Labaran Mehr, Ministan Harkokin Wajen Iran Abbas Araqchi ya fayyace matsayin Jamhuriyar Musulunci ta Iran kan ci gaban yankin a jawabinsa ga jakadu da shugabannin ofisoshin diflomasiyya da kuma wakilan ƙungiyoyin ƙasa da ƙasa da ke Tehran a safiyar Lahadi. Ya kuma gabatar da rahoto kan ayyukan diflomasiyya na tawagar Iran a zaman taron Majalisar Dinkin Duniya karo na 81.
Ya nuna tasirin Jamhuriyar Musulunci ta Iran a taron Majalisar Dinkin Duniya kuma ya yi bitar muhimman ayyukan da aka ɗauka yayin halartar tawagar Iran a birnin New York. Waɗannan sun haɗa da tattaunawa da shugabannin ƙasashe da ministocin harkokin waje na ƙasashe sama da 60, da kuma shugabannin ƙungiyoyin yanki da na ƙasa da ƙasa da tattaunawa da ƙungiyoyin masu zurfin tunani da kafofin watsa labarai.