Mohammad baqeer Qalibaf shugaban majalisar shawarar musulunci ta kasar iran ya gana da jagoran juyin musulunci na iran Ayatullah Sayid Mujtaba Khamena’I inda suka tattauna game da ci gaba da aka samu a baya bayan nan a bangaren soji, da kuma takunkumin tattalin arziki da kasar Amurka ta kakabawa kasar iran
A lokacin ganawar jagoran yayi kira da aka kara karfafa karfin da kasar take da shi kuma yayi ishara game da irin rawar da yan majalisa za su taka wajen kara samar da hadin kan alummar kasar, kuma ya jinjinawa alummar iran game da ci gaba da tarurrukan da suke yi na nuna goyon bayan jamhuriyar musulunci ta iran da kuma jami’an tsaro,
Haka zalika jagoran ya kara yin kira ga gwamanati da majalisa da suyi aiki tare wajen warware matsalolin tattalin arziki da alummar kasa ke fuskanta , da kuma ciyar da batutuwan da suka shafi abokan mua’mala da alummar kasar gaba
ana sa bangaren shugaban majalisar qalibaf ya yi wa jagoran karin bayani game da matakin da yan majalisar suka dauka tun daga lokacin da Amurka da isra’ila suka kaddamar da yaki kan kasa iran a watan fabareru, da kuma shirin da majalisar ke da shi wajen fuskantar batutuwan da suka shafi kasar da kuma irin kalu balen da suke fuskanta