Shugaban kungiyar Ansarullah ta kasar Yaman Sayyid Abdul-Malik Badreddin al-Houthi ya yi jawabi a yammacin yau alhamis kan batutuwa daban-daban da suka shafi duniyar musulmi, musamman abubuwan da suka faru a Gaza da Yemen. Ya ci gaba da cewa: Jamhuriyar Musulunci ta Iran, ba tare da la’akari da duk wani matsin lamba ba, ta yi sadaukarwa ta karshe a kan turbar goyon bayan Falasdinu, kuma ta bayar da dama ga kwamandojin gwagwarmayar ‘yanci, daga cikinsu akwai babban kwamandan shahidi Qassem Soleimani.

Yayin da yake magana kan zagayowar shahadar babban kwamanda Yahya al-Sinwar, Sayyid Abdul-Malik Badreddin ya ce: “Babban darussan da ya bari na tsararraki, da kuma matsayinsa na sadaukar da kai da jihadi, suna wakiltar muhimman dabi’u da kuma babban matakin wayar da kan jama’a, wanda hakan ya samar da wata mazhaba mai karfafa gwiwa ga tsararraki.

Har ila yau jagoran Ansarullah ya mika sakon taya murna da ta’aziyyar shahadar shahidan Ghamari (Babban Hafsan Sojin Yaman) zuwa ga iyalansa, da ‘yan uwansa, da dukkan ‘yan’ yanci. Ya kara da cewa, Shahidai al-Ghamari ya taka rawa sosai wajen tallafawa Gaza, kuma tun bayan shahadarsa ‘yan uwansa suka ci gaba da yin jihadi.