A jiya Juma’a mayakan na Hizbullah sun kai jerin hare-hare masu yawa akan sansanon sojan HKI da adadinsu ya kai 16.

Da  misalin karfe 03: 55 na marecen jiya juma’a dakarun na Hizbullah sun kai hare-hare akan sansanin soja na “Karma’il” ta hanyar amfani da makamai masu linzami.

Har ila yau mayakan na Hizbullah sun kai wani harin da makamai masu linzami akan sansanin sojan sama  na “Tel Nof” dake kudancin Tel Aviv. An kai harin ne da misalign karfe 03: 15.

Wani sansanin sojan da ya fuskanci harin mayakan Hizbullah shi ne na “Ramat David” dake yankin kudu masu bagashin birnin Haifa.

Sansanin sojan ruwa na “Satila Maris”  dake arewacin Haifa, kuwa ya fuskanci hare-haren mayakan Hizbullah a karo na uku a jere a jiya Juma’a da makamai masu linzami.

A gefe daya mayakan na Hizbullah sun yi amfani da jiragen sama marasa matuki wajen kai wa sojojin mamaya da  su ka taru a gabashin garin “Marun-Ra’as”, sun kuwa jikkata su da kuma kashe wasu.

A tsawon wata daya, sojojin HKI suna kokarin kutsawa cikin kudancin Lebanon ta kasa, amma hakan ya gagara, domin har yanzu ba su iya kama ko da gari daya ba.