Nassin Wasikar Ayatullah Al-Ozma Sayyid Ali Khamenei (DZ) Kamar Haka:

Da Sunan Allah Mai rahma Mai Jin Kai

 Ina rubuta wannan wasikar ne zuwa ga matasa wadanda lamirinsu ya tashi ya motsa su don kare yara da matan Gaza da ake zalunta.

Ya ku matasa dalibai a Amurka! Wannan shi ne sakon mu na tausayawa da kuma hadin kai da ku. Yanzu kuna tsaye a gefen dama ta tarihi, wanda ke juya baya.

Yanzu kun kafa wani bangare na gwagwarmaya, kuma kun fara gwagwarmaya mai daraja a karkashin mummunan matsin lamba na gwamnatinku – wacce ke ba da kariya ga gwamnatin sahyoniya ta mamaya da rashin tausayi.

Wuri mai nisa da ake gwagwarmaya mai girma na tsawon shekaru, tare da tsinkaye iri daya da ji da kuke da shi a yau. Manufar wannan gwagwarmaya ita ce dakatar da irin zaluncin da wata kungiya ta ‘yan ta’adda da rashin tausayi da ake kira “Sahyoniyawa” ta yi wa al’ummar Palastinu shekaru da suka gabata tare da jefa su cikin mawuyacin hali da azabtarwa bayan mamaye kasarsu. Kisan gillar da gwamnatin ta  Sahayoniya take yi a yau ci gaba ne na muguwar dabi’a a cikin shekarun da suka gabata.

Falasdinu kasa ce mai cin gashin kanta mai al’umma da ta kunshi Musulmai, Kirista da Yahudawa, kuma tana da dogon tarihi. Bayan yakin duniya, ‘yan jari-hujja sun kwaso ‘yan Sahayoniya tare da taimakon gwamnatin Burtaniya, sannu a hankali sun shigo da ‘yan ta’adda dubbai cikin wannan kasa; Suka mamaye garuruwanta da kauyukanta; Dubun dubatar mutane ne aka kashe ko aka kore su zuwa kasashe makwabta; Sun kwace gidaje da kasuwanni da gonaki daga hannunsu, suka kafa kasa mai suna Isra’ila a cikin kasar Falasdinu da aka kwace.

Babban mai goyan bayan wannan gwamnatin ta ‘yan kwata-kwata, bayan taimakon farko na Birtaniya, ita ce gwamnatin Amurka, wadda ta ci gaba da goyon bayanta a bangarorin siyasa, tattalin arziki da makamai, har ma ta bude mata hanyar kera makaman kare dangi da makaman nukiliya.

Tun daga rana ta farko gwamnatin sahyoniyawan ta yi amfani da manufar danne al’ummar Palastinu da ba su da kariya, tare da yin watsi da duk wata kima, da mutuntaka da addini, da karuwar zalunci, ta’addanci da danniya a kowace rana.

Gwamnatin Amurka da kawayenta ba su ko yin  tir da wannan ta’addanci da zalunci Har yau, wasu kalaman gwamnatin Amurka dangane da munanan laifuka a Gaza sun fi muni dangane munafuncinta a kan wannan lamari.

Turjiya da gwagwarmaya ta taso ne daga cikin wannan yanayi mai duhu da rashin tabbas da kuma kafa gwamnatin “Jamhuriyar Musulunci” a Iran wadda ta fadada tare da ba ta karfin gwiwa.

Shugabannin yahudawan sahyoniyanci na kasa da kasa, galibin kamfanonin yada labarai a Amurka da Turai nasu ne ko kuma suna karkashin tasirin kudadensu da cin hanci, sun gabatar da wannan tsayin daka na mutuntaka da jajircewa a matsayin ta’addanci! Shin al’ummar da ta kare kanta a cikin kasarta daga laifukan sahyoniyawa ‘yan mamaya ‘yan ta’adda ne? Sannan shin taimakon da dan Adam yake baiwa wannan al’umma da karfafa makamanta ana daukarsa a matsayin taimakon ta’addanci ne?

Shugabannin mulkin mallaka na duniya ba sa jin tausayin dan adam. Suna kokarin nuna kamar azzalumai ‘yan ta’adda na Isra’ila suna kare kansu ne, kuma suna kiran gwagwarmayar Palasdinawa da ke kare ‘yancinta, tsaro da ‘yancin kai, a matsayin “‘yan ta’adda”!

Ina so in tabbatar muku cewa a yau al’amura sun canza. Wata makoma tana jiran yankin da ke  yammacin Asiya. An farkar da lamiri da yawa a duniya kuma ana bayyana gaskiya. Gungun gwagwarmaya zai yi ƙarfi, Tarihi kuma yana canzawa.

Sai dai ku daliban jami’o’i da dama a Amurka, jami’o’i da jama’ar wasu kasashe ma sun tashi tsaye. Rakiya da tallafawa malaman jami’a gare ku dalibai wani abu ne mai mahimmanci kuma mai tasiri. Wannan yunkuri naku na lumana ne, duk da tsananin matakan ƴan sandan da gwamnati  da kuma matsin lamba da suke yi. Ina kuma tausaya muku matasa kuma ina girmama matsayinku.

Darasin kur’ani a gare mu Musulmi da dukkan al’ummar duniya shi ne tsayawa kan tafarkin gaskiya, kuma darasin Alkur’ani game da dangantakar mutane shi ne: Kada ku yi zalunci kuma kada ku bari a zalunce ku, kuma da yardar Allah a bisa yin aiki da wannan darasi da ma daruruwa daga wadannan darussa masu gwagwarmaya za su yi nasara.

Ina ba ku shawarar ku san kur’ani.

Sayyid Ali Khamenei

25 Mayu, 2024