Shugaban kungiyar Ansarullah na kasar Yemen Sayyeed Abdulmalik Badruddeen Huthi , a jawabinsa na mako-mako da ya saba gabatarwa, dangane da Falasdinu da kuma sabbin al-amura da suka faru ko suke faruwa a yankin da kuma duniya gaba daya ya tabo al-amura da dama.

Tashar talabijin ta Al-Alam wacce take watsa shirye shiryenta da harshen larabci a nan Tehran ta bayyana cewa, shugaban Ansarullah, ya yi gargadi kan cewa, ida HKI tana son dabbaka shirinta na Isra’ila babba, a cikin wannan halin da kasashen larabawa suke rarrabe, hakan zai zama musiba babba.

Labarin ya kara da cewa sojojin kasar Yemen sun aiwatar da ayyukan soje a kan HKI a dama a cikin makon da ya gabata, daga cikin cilla makamai masu linzami kan Yafa ko telaviv, da Haifa da Askalan da Birusshiba da ummu rashrash ko Ilat. Har’ila yau sun cilla makamai kan wani jirgin ruwan da ya sabawa dokar.

Ya kuma kara da cewa wannan aikin sojen zai ci gaba matukar yaki yana ci gaba a kan mutanen gaza.

Dangane da kasar Lebanon kuma Sayyid Huthi ya zargi gwamnatin kasar da yin Khidimawa HKI da Amurka a haka hizbullah da sojojin kasar fada.