Search
Close this search box.

Jagora Ya Bayyana Cewa Zaben Shugaban Kasa Zagaye Na Biyu Yana Da Matukar Muhimmanci, Ya Bukaci Masu Zabe Su Fito Don Kada Kuri’unsu

Jagoran juyin juya halin musulunci a nan Iran Imam Sayyid Aliyul Khaminae ya bukaci mutanen kasar Iran su fito kwansu da kwarkwatansu don zaben shugaban

Jagoran juyin juya halin musulunci a nan Iran Imam Sayyid Aliyul Khaminae ya bukaci mutanen kasar Iran su fito kwansu da kwarkwatansu don zaben shugaban kasa zagaye na biyu wanda za’a gudanar a ranar Jumma’a 5 ga watan Yulin da muke ciki.

Tashar talabijin ta Presstv a nan Tehran ta nakalto Jagoran yana fadar haka a yau Laraba a lokacinda yake ganawa da malaman Jami’ar Aya. Mutattahari dake nan Tehran.

Jagoran ya kara da cewa zabe shugaban kasa zagaye na biyu ya fi muhimmanci a kan na jumma’an da ta gabata, saboda fitowar mutane a zagaye na farko bai zo yadda yadda ake zata ba, saboda haka ne masana suke bincike don gano dalilin da suka sa haka ya fara.

Ya ce amma a zagaye na biyu, idan mutanen sun fito da yawa, wannan zai karfafa tsarin JMI da kuma kawo ci gaba a kasar.

A wani bangare na jawabinsa Jagoran ya bayyana cewa rashin fitowar mutanen kamar yadda ake zata a zaben jumma’an da ta gabata ba ya nuna cewa mutane sun dawo daga rakiyar tsarin musulunci a kasar Ba.  

Sa’id Jalili da kuma Masud Pezeshkiyan ne suka samu kuri’iu mafi yawan a zaben shugaban kasa zagaye na farko, amma ba wanda ya kai yawan da ake bukata na lashe zaben, don haka ne ma’aikatar cikin gida ta bukaci a tafi zagaye na biyu a jibi jumma’a 5 ga wayan Yuli, tsakanin Jalili da Pazeskiyan.

Mutane kimani miliyon 24 suka kada kuri’unsu a zaben ranar 28 ga watan Yuni cikin mutane miliyon 61 da suka cancanci kada kuri’unsu a zaben. Wanda bai fi kashe 40% na wadanda yakamata su fito ba.

Zaben shugaban kasa karo 14 a nan iran dai ya zo ne saboda maye gurbin shugaba Shahid Ibrahim Ra’si wanda ya rasu sanadiyyar hatsarin jirgin sama a ranar 19 ga watan mayun da ya gabata.

Share

0 0 votes
Article Rating
Subscribe
Notify of
0 Comments
Inline Feedbacks
View all comments