Babban marja’in addinin musulunci na kasar Iraki Ayatullah Sayyid Ali Sistani ya aike da sakon ta’aziyyar rasuwar marja’i Ayatullah Sayyid Musa Shubairi Zanjani tare da bayyana rashinsa a matsayin musifa mai radadi.
Ayatullah Sistani ya kuma bayyana mamacin malamin da cewa; ya tafiyar da dukkanin rayuwarsa ne akan tafarkin ilimi da koyarwa, ya kuwa kasance daya daga cikin muhimman ginshikan cibiyar ilimin addini ta Hauza a birnin Qum.
Ayatullah Sistani ya kuma ce; Ayyuka da rubuce-rubucen da Marja’in ya bari za su ci gaba da zama masu kima kamar yadda manhajarsa ta ilimi za ta zama abin koyi ga ma’abota ilimi.