A jiya Litinin mayakan kungiyar Hizbullah sun kai munanan hare-hare akan sansanoni daban-daban na HKI a manyan biranenta, da hakan ya haddasa tashin gobara a cikinsu.
Daga cikin yankunan da aka kai wa harin da akwai sansanin bayar da horo na rundunar Gulani dake da nisan kilo mita 65 daga kan iyaka da Lebanon a kudancin birnin Haifa.
Har ila yau kungiyar ta Hizbullah ta kai wasu hare-haren da makamai masu linzami akan matsugunin ‘yan share wuri zauna na Kiriyot, sai kuma kamfanin kera makamai na Zofolo a arewacin Haifa.
Kafafen watsa labarun HKI sun nuna girman barnar da hare-haren na Hizbullah sau ka yi a Kiriyot wanda ya kona gidaje da motoci.
A matsugunin ‘yan share wuri zauna na “Karma’il”,kungiyar ta Hizbullah ta kai hare-hare da makamai masu linzami.
A daren jiya ma Hizbullah ta kai wasu hare-haren akan garin Safad da kuma Akka sai kuma sansanin soja na Ami’ad.