Sojojin mamayar Isra’ila suna ci gaba da kashe-kashen kisan kiyashi, kuma ana ci gaba da fama da yunwa a Gaza a daidai lokacin da kasashen duniya suka yi shiru

An shiga rana ta arba’in da fara sabon farmakin da haramtacciyar kasar Isra’ila ke kai wa Zirin Gaza, a daidai lokacin da ake ci gaba da samun ta’adi da kisan kare dangi da ba a taba ganin irinsa ba, a daidai lokacin da Amurka ke goyon bayan ta’asar da kuma shiru na kasa da kasa wanda masu lura da al’amura suka bayyana a matsayin babban abin kunya.

A cewar ma’aikatar lafiya ta Gaza, adadin wadanda suka yi shahada  sakamakon hare-haren ta’addancin ‘yan sahayoniyya ya kai 51,355 da kuma jikkatan wasu 117,248 tun daga ranar 7 ga watan Oktoban shekara ta 2023.

Adadin wadanda suka yi shahada da jikkata tun daga ranar 18 ga watan Maris na wannan shekara ta 2025, watau kwanaki arba’in, ya kai kimanin shahidai 2,000 da kuma jikkatan 5,207.