Dakarun kare Juyin musulunci na Iran ( IRGC) sun sanar da kame jiragen ruwa biyu da suke kokarin wucewa ta mashigar ruwan Hurmuz ba tare da bin sabbin ka’idoji ba.

Sanarwar da dakarun kare juyin musuluncin na ta ce da safiyar jiya Laraba ne dai su ka tsayar da jiragen ruwan biyu masu sunan; ” MSC-FRANCESCA’ mai alaka da Haramtacciyar Kasar Isra’ila,  da kuma “EPAMINODES” da ya karya doka.

Tuni dai dakarun kare juyin juya halin musuluncin su ka tasa keyar jiragen ruwan biyu zuwa wata tashar jiragen ruwan Iran domin gudanar da bincike.

Iran ta sha nanata cewa, duk wani jirgin ruwa wanda zai wuce ta wannan yankin ba tare da izini ba, to zai fuskanci mayar da martani.