Adadin Falasdinawa da suka yi shahada sun kai 44,612, yayin da wadanda suka jikkata suka haura zuwa 105,834 sakamakon hare-haren wuce gona da irin haramtacciyar kasar Isra’ila

Ma’aikatar lafiya ta Gaza ta fitar da rahoton kididdiga na yau da kullun kan adadin Falasdinawa da suka yi shahada da wadanda suka jikkata sakamakon ci gaba da kai hare-haren wuce gona da irin gwamnatin haramtacciyar kasar Isra’ila kan yankin Zirin Gaza a rana ta 427 a jere, adadin wadanda suka yi shhada suka haura zuwa 44,612 yayin da wadanda suka jikkata suka kai 105,834, tun daga ranar 7 ga watan Oktoban shekara ta 2023 Miladiyya.

Har ila yau majiyar ma’aikatar lafiya ta sanar da cewa: Sojojin mamayar haramtacciyar kasar Isra’ila sun aiwatar da wani kisan kiyashi kan iyalai 3 a Zirin Gaza da suka kai ga shahadan Falasdinawa 32 tare da jikkatan wasu 95 na daban cikin sa’o’i 24 da suka gabata.