​Iraki: Ana Gumurzu Tsakanin Dakarun Hashd Ash-Shaabi Da ‘Yan Ta’addan Daesh A Saharar Anbar

2021-01-27 17:14:33
​Iraki: Ana Gumurzu Tsakanin Dakarun Hashd Ash-Shaabi Da ‘Yan Ta’addan Daesh A Saharar Anbar

Rahotanni daga kasar Iraki na cewa, ana ci gaba da gumurzu tsakanin dakarun sa kai na al’ummar Iraki Hashd Ash-Shaabi, da kuma ‘yan ta’addan Daesh a lardin Anbar.

A cikin wani wani bayani dakarun sa kai na al’ummar Iraki Hashd Al-Shaabi suka fitar a yau, sun bayyana cewa ana dauki ba dadi mai tsanani tsakaninsu da mayakan ‘yan ta’adda na Daesh a cikin saharar Anbar a yammacin kasar Iraki.

Kwamandan da ke jagorantar rundunar dakarun na Hashd Al-shaabi a wannan artabu Kasim Muslih ya bayyana cewa, sun fara wannan kaddamar da wannan farmaki nea akn sansanonin ‘yan ta’addan da nufi kammala tsarkake daga wadannan mutane masu barna a bayan kasa.

Ya ce sun samu nasarar fatattakar ‘yan ta’addan daga sansanoninsu daban-daban a yankin, sun kuma samu tarin makamai a maboyar ‘yan ta’addan, da suka hada da nakiyoyi, da bindigogi masu sarrafa kansu gami da sanadaran harhada bama-bamai.

Ana zargin Amurka da wasu gwamnatocin kasashen larabawa na yankin da yunkurin sake farfado da kungiyar ‘yan ta’adda ta Daesh, domin ci gaba da kaddamar da hare-hare a cikin kasashen Iraki da Syria, bayan da aka murkushe kungiyar tare da karya lagonta a cikin wadannan kasashe, tare da taimakon kasashen Rasha da Iran, da kuma kungiyoyi irin su Hizbullah da Hashd Shaabi.


015

Comments(0)
Success!
Error! Error occured!