Search
Close this search box.

Musulmi  A Kasashen Yemen Da Bahrain Sun Fito Zanga Zangar Goyon Bayan Falasdinawa

Musulmi a jiya jumma’a a kasashen Yemen da Bahrain sun fito zanga zangar nuna goyon baya ga al-ummar Falasdinu da kuma yin allawadai da HKI

Musulmi a jiya jumma’a a kasashen Yemen da Bahrain sun fito zanga zangar nuna goyon baya ga al-ummar Falasdinu da kuma yin allawadai da HKI da kuma masu goyon bayanta.

A kasar Yemen kamar yadda suka saba a ko wace Jumma’a miliyoyin mutanen kasar ne suke fitowa kan titunan birane da lardunan kasa don nuna goyon bayansu ga al-ummar Falasdinu wadanda HKI da kawayenta sukewa kissan kare dangi a Gaza.

A birnin sannan babban birnin kasar miliyoyin mutane sun fito zuwa dandan 70 dake wajen birnin . Kuma kamar yadda aka saba malaman addini da kuma Jami’an gwamnatin kasar sun gabatar da jawabai wadanda suke nuna goyon bayansu ga Falasdinawa wadanda suke fafatawa da HKI a gaza.

A kasar Bahraini kuma dubban musulmi ne suka fito zanga zangar goyon bayan al-ummar falasdinu a gaza bayan sallar Jummma’a a unguwar al-Daraz dake  birnin Manama babban birnin kasar.

Masu zanga zangar sun bukaci a bude hanyoyin shigar da kayakin agaji zuwa Gaza a kuma dakatar da yaki.

Daga karshe masu zanga zangar sun bukaci sarakunan Ali Khalifa su saki fursinonin siyasa a kasar wadanda suke kulle a cikin gidajen yarin kasar.

Share

0 0 votes
Article Rating
Subscribe
Notify of
0 Comments
Inline Feedbacks
View all comments