Rahotonni sun bayyana cewa: An ji karar fashe-fashen wasu makaman masu linzami da kungiyar gwagwarmayar Musulunci ta Hizbullah ta kasar Lebanon ta harba kan sansanonin soji guda 5 na sojojin haramtacciyar kasar Isra’ila a birnin Haifa da yankin Karmel, kuma hare-haren sun haifar da babbar barna ga sansanonin da aka kai harin. tare da raunata wasu yahudawan sahayoniyya ‘yan mamaya, kamar yadda kafafen yada labaran yahudawa suka watsa.
A yammacin jiya Asabar ne kafafen yada labaran yahudawan sahayoniyya suka watsa rahoton cewa: Gobara ta tashi a Haifa bayan da makamai masu linzami da kungiyar Hizbullah ta harba.
Kafofin yada labaran sun kara da bayyana cewa: Wasu makamai masu linzami sun fado a Haifa, tare da yin nuni da cewa, sojojin tsaron sararin samaniyar haramtacciyar kasar Isra’ila sun mayar da martani da makamin mai linzami da aka harbo daga kasar Lebanon kan Haifa.