Jagoran juyin juya halin Musulunci ya jaddada cewa: Daukar fansar jinin Imam Khamene’i da ya yi shahada shine bukatar mutane kuma babu makawa za a cimma hakan
Jagoran juyin juya halin Musulunci a Iran, Ayatullah Sayyid Mujtaba Khamene’i ya jaddada cewa: Daukar fansar jinin Imam Sayyid Ali Khamenei da dukkan shahidai buƙata ce ta al’ummar Iran, yana mai jaddada cewa: Wannan alƙawarin ba makawa zai cika. Ya yaba wa miliyoyin al’ummu da suka halarci jerin gwanon jana’izar da aka gudanar a Iran da Iraki, yana mai bayyana su a matsayin waɗanda ke nuna sabunta hanyar juriya da haɗin kan al’umma.
Jagoran juyin juya halin Musulunci a Iran ya fitar da wata sanarwa game da juyayin jana’izar da aka yi wa gawar jagora da ya yi shahada, Ayatullah Sayyid Ali Khamenei (Allah ya tsarkake ransa), a Iran da Iraki, yana mai tabbatar da cewa: Jinin shahidai ya farfaɗo da motsin al’ummar Iran kuma ya ƙarfafa riƙonsu ga tafarkin juriya.
Ayatullah Khamenei ya lura cewa: Kasancewar miliyoyin mutane masu makoki a biranen Iran da Iraki, musamman Tehran, Qom, Najaf, Karbala, da Mashhad, ya zama saƙon biyayya ga Imam da aka yi wa shahidi da kuma sabunta alƙawarin bin tafarkinsa. Ya nuna matukar godiyarsa ga wannan gagarumin taron jama’a da ya gudana a tarihi, wanda ya karya muradun makiya.
Jagoran ya jaddada cewa: Al’ummar Iran suna neman ramuwar gayya kan jinin Imam da ya yi shahada da kuma dukkan shahidan da suka yi shahada a yakuna biyu, yana mai cewa “ramuwar gayya ita ce bukatar mutane, kuma dole ne a cika ta.”