Kafafen watsa labarun HKI sun ambaci cewa; daya daga cikin sojojinsu ya halaka sanadin harin da kungiyar Hizbullah ta kai da makami mai huda motoci masu silke.

Kafafen watsa labarun na HKI sun ambaci cewa; Hizbullah ta fadada yankunan datake kai wa hari a Isra’ila, da hakan ya takawa sojojin HKI birki na kasa sanin abinda za su yi.

A can arewacin Palasdinu dake karkashin mamaya, yankunan da ‘yan share wuri zauna su ka kauracewa sun kai 10% na dukkanin Isra’ila kamar yadda kafafen watsa labarun su ka ambata.

Wasu kafafen watsa labarun na HKI sun bayyana cewa;sojojin sahayoniya sun zama matsarota a gaban kungiyar Hizbullah.”

A gefe daya jirgin yakin HKI maras matuki ya  kai wasu hare-hare a kudancin  Lebanon,musamman a yankin Zabqin da Yatir

Tashar talbiji din ‘almayadin’ ta bayyana cewa; An ji karar jirgin maras matuki da ya ratsa ta samaniyar yankin, amma dai babu hari a cikin yankin.