‘Yan gwagwarmayar Falasdinawa sun kakkabo jirgin saman yaki maras matuki ciki na haramtacciyar kasar Isra’ila

Rundunar Saraya-Al-Quds bangaren sojin kungiyar Jihadul-Islami ta yi nasarar kakkabo jirgin saman yaki maras matuki ciki kirar “Skylark” mallakin rundunar sojin haramtacciyar kasar Isra’ila da ke kokarin kai harin bama-bama kan garin Rafah.

Rundunar Sarayal-Quds bangaren sojin kungiyar gwagwarmayar Jihadul- Islami, ta nuna hotunan mayakanta da suka kakkabo wani jirgin sama mara matuki ciki kirar “Skylark” na rundunar sojin haramtacciyar kasar Isra’ila a sararin samaniyar birnin Rafah da ke kudancin Zirin Gaza.