​Rasha: Ba Za Mu Amince Da Rubuta Wata Sabuwar Yarjejeniya Kan Shirin Nukiliyar Iran Ba

2020-12-07 10:29:52
​Rasha: Ba Za Mu Amince Da Rubuta Wata Sabuwar Yarjejeniya Kan Shirin Nukiliyar Iran Ba

Gwamnatin kasar Rasha ta sanar da cewa, ba za ta amince da batun rubuta wata sabuwar yarjejeniya ka shirin Iran na nukiliya ba.

Jakadan kasar Rasha a ofishin majalisar dinkin duniya a birnin Vienna na kasar Austria Mikhail Ulyanov ne ya sanar da hakan, inda ya ce abin da ke da muhimmanci shi ne dukkanin bangarorin da suka rattaba hannu kan yarjejeniyar da aka cimmawa a kan shirin na Iran, su yi aiki da ita.

Ya ce tun bayan da aka rattaba hannu kan wannan yarjejeniya a shekara ta 2015, tana nan yadda take, illa dai kawai wasu kasashe ne ba su yin aiki da kamar yadda suka rattaba hannu, saboda haka su dawo su yi aiki da ita ne mafita, ba rubuta wata sabuwar yarjejeniya ba.

Wannan bayani na gwamnatin Rasha na zuwa a matsayin martani a kan bukatar da gwamnatocin Jamus, Burtaniya da kuma Faransa suka gabatar ne, da ke neman a sake rubuta wata yarjejeniya kan shirin Iran na nukiliya kamar yadda gwamnatin Amurka ta bukata, domin a saka wasu batutuwa na daban da basu da alaka da shirin nukiliyar Iran a cikin yarjejeniyar.


015

Comments(0)
Success!
Error! Error occured!