Shugaban kasar Amurka Donald Trump ya fadi cewa; Isra’ila tana taimakon Saudiyya, kuma Riyadh ta Aminta da hakan kuma tana jin dadi.
Shugaban kasar na Amurka ya kuma kara da cewa; Yana da kyakkyawar alaka da mahukuntan Saudiyya.
Donald Trump ya kuma kara da cewa; Tabbas Isra’ila ta bai wa Saudiyya taimako mai yawa.
Da kuma yake Magana akan yakin kasar Ukiraniya, shugaban kasar ta Amurka ya ce, yana son kawo karshen yakin, kuma a halin yanzu yana ttataunawa da shugabannin Ukiraniya da na Rasha.
Da aka tambaye shi akan batun yarjejeniyar Abraham da yiyuwar shigar Saudiyya a cikinta, Shugaban kasar ta Amurka ya ce, da akwai yiyuwar hakan ta faru.