Kafofin yada labaran ‘yan mamayar yahudawan sahayoniyya sun bayyana faruwar wani sabon matakin tsaro mai wahala da sojojin yahudawan sahayoniyya suka fuskanta a yakin da suke yi da ‘yan gwagwarmayar kungiyar Hizbullah a kan iyakar Lebanon da Falasdinu.
Kafafen yada labarai na yahudawan sahayoniyya sun ruwaito cewa: Dauki ba dadi tsakanin sojojin gwamnatin haramtacciyar kasar Isra’ila da mayakan kungiyar gwagwarmayar Musulunci ta Hizbullahi ta kasar Lebanon ya yi sanadin halakan sojojin Isra’ila 5 tare da raunata wasu 15.
Shafin yanar gizo na “Hadshot Bazaman” na yahudawan sahayoniyya sun sanar da cewa: An hango jiragen sama masu saukar ungulu na sojin haramtacciyar kasar Isra’ila suna sauka domin kwasar sojojin da suka jikkata don kai su asibitin Rambam da ke Haifa.