Toshon kwamandan dakarun IRGC, Mohammad Esmaeil Kowsari wanda kuma dan majalisar dokoki ne na kasar Iran a halin yanzu, ya bayyana cewa Iran tana da wasu makamai masu Linzami wadanda har yanzun bata taba amfani da su ba kuma zasu bawa duniya mamaki.

Tashar talabijan ta Presstv a nan Tehran ta nakalto tsohon kwamandan yana fadar haka a jiya Talata bayan da dakarun IRGC suka kai hare hare a kan HKI.

Kowsari ya kara da cewa a halin yanzu an kakkafa damdamalai cilla garkuwan  makamai masu linzami a duk fadin kasar don kakkabo duk wani makamin da zai shigo kasar daga HKI ko kuma kawayenta.

A jiya Talata da dare ne dakarun IRGC suka cilla makamai masu linzami kimani 400 kan cibiyoyin tsaro na HKI.

A halin yanzu har’ila yau an rufe dukkan tashoshin jiragen sama na HKI babu tashi  ko sauka saboda halin da ake ciki.