A jiya Alhamis din an yi taron juyayin cikar kwanaki 40 daga shahadar Shugaban kasar Iran Hujjayul-Islam Ra’isi a babban masallacin Tehran, da dubun dubatar mutane su ka sami halarta.
Mahalarta taron juyayin sun daga hotunan sugaban kasar Shahidi, tare da maganganun da jagoran juyin musulunci ya yi a kansa.
Shugaban kasar Iran na 8 Sayyid Ibrahim Ra’isi tare da ministan harkokin wajensa, Hussain Amir Abdullahiyan sun yi shahada ne a ranar 19 ga watan Mayu sanadiyyar faduwar jirgin sama maras matuki da yake dauke da su a gundumar Azerbaijan, dake kan iyaka da jamhuriyar Azerbaijan. Wasu da su ka yi shahada da shi, sun hada da babban limamin Tabriz Ali Hashim da kuma gwamnan jihar ta Azarbaijan.