Ayatullah Khamenei ya gana da shugaban hukumar gwagwarmayar Palastinawa ta Hamas Ismail Haniyyah da tawagarsa da ke mara masa baya.

Jami’in na Palasdinawa ya mika ta’aziyya ga Jagora da kuma gwamnati da al’ummar Iran bisa shahadar shugaba Raeisi da sahabbansa.

Ayatullah Khamenei ya mika ta’aziyyarsa ga Haniyyah kan shahadar ‘ya’yansa uku da jikokinsa uku a harin da Isra’ila ta kai a zirin Gaza a watan da ya gabata, ya kuma yaba da hakurin jami’in Hamas.

Jagoran ya yi ishara da yakin kisan kare dangi na watan Oktoba da gwamnatin haramtacciyar kasar Isra’ila ke ci gaba da yi a zirin Gaza, inda ya yi nuni da cewa irin gagarumin tsayin daka da al’ummar yankin gabar teku suka yi ya zama abin mamaki ga al’ummar duniya baki daya.

Ayatullah Khamenei ya bayyana irin nasarar da ‘yan Gaza suka yi a gaban wata kungiya mai girma da karfi da suka hada da Amurka, kawancen sojan kasashen yamma na NATO, Birtaniya da wasu kasashe a matsayin cika alkawari na Ubangiji kan al’ummar Falasdinu.