Sojojin gwamnatin haramtacciyar kasar Isra’ila sun kai farmaki kan wasu yankunan kudancin birnin Beirut fadar mulkin kasar Lebanon a yammacin jiya Lahadi, biyo bayan gargadin da kakakin rundunar sojin ‘yan mamaya Avichay Adraee ya yi na ficewa daga yankunan.
Jiragen saman yakin sojojin haramtacciyar kasar ta Isra’ila sun kai farmakin ne kan wasu yankuna uku a kudancin birnin na Beirut.
Kafin kaddamar da hare-haren, a cikin gargadin kakakin rundunar sojin mamayar Avichai Adraee ya yi gargadin cewa: Jama’a su fice daga yankunan Hadath da Burj al-Barajneh, bisa da’awar akwai cibiyoyi kayayyakin muradun kungiyar Hizbullah a cikinsu, sanarwar da ke matsayin da’awar kare matakin kai hare-hare kan yankunan fararen hula.