A sanarwar da ta fitar a yau Lahadi, kungiyar gwgagwarmayar musulunci ta Iraki ta ce ta kai hari da jirage marasa matuki akan cibiyoyin HKI  a matsayin mayar da martani akan laifukan da take tafkawa akan al’ummar Falasdinu da Lebanon,musamman kananan yara da mata.

Kungiyar gwagwarmayar ta Iraki ya sha alwashin cigaba da kai wa sansanonin HKI hare-hare, matukar ba ta kawo karshe kisan kiyashin da take yi wa Falasdinawa da mutanen Lebanon ba.

Tun fara yakin Gaza ne dai ‘yan gwagwarmaya a Iraki su ka shiga sahun masu kai wa HKI hare-hare a matsayin taya Falasdinawa fada, yanzu kuma da mutanen Lebanon.