Majiyoyin lafiyar Falasdinu sun bayyana cewa: Hare-haren sojojin yahudawan sahayoniyya sun kai munanan hare-hare kan yankunan Falasdinawa da suke Zirin Gaza, inda suka janyo shahadan Falasdinawa 121 tun daga wayewar garin yau Talata, kuma 110 daga cikinsu a shiyar arewacin Gaza ne.
Tun da farko dai ma’aikatar lafiya ta Falasdinu ta sanar da cewa: Sojojin mamayar haramtacciyar kasar Isra’ila sun kashe Falasdinawa 4 iyalan gida guda a Zirin Gaza, sannan aka kai wasu gawawwakin shahidai 41 da wasu 113 da suka jikkata a cikin sa’o’i 24 da suka gabata.
Ya zuwa yanzu, adadin wadanda suka yi shahada a hare-haren sojojin haramtacciyar kasar Isra’ila kan yankunan Falasdinawa sun kai shahidai 43,061 da kuma wadanda suka jikkata da yawansu ya kai 101,223 tun daga ranar bakwai ga watan Oktoban bara.