Shugaban kungiyar Hamas ya bayyana cewa: Babu wata shawara da aka yanke na karbe makaman ‘yan gwagwarmayar Falasdinawa
Shugaban Kungiyar Hamas Osama Hamdan ya bayyana shigar Fira Ministan gwamnatin mamayar Isra’ila Benjamin Netanyahu, wanda Kotun Laifuka ta Duniya ke nema ruwa ajallo, a cikin abin da ake kira “Majalisar Zaman Lafiya” a matsayin “wasan kwaikwayo na zamani.” Ya tabbatar da cewa; Gwagwarmaya ta kasance halaltacciyar haƙƙi ga al’ummar Falasɗinu muddin mamaya ta ci gaba, kuma ya musanta cewa ƙungiyar ta sami duk wasu shawarwari na hukuma game da kwance makaman kungiyar.
A cikin sanarwar manema labarai a ranar Laraba da yamma, Hamdan ya jaddada kin amincewa da duk wani tallafi na waje kan Zirin Gaza, yana mai fayyace cewa duk wani tallafi na ƙasa da ƙasa ya kamata ya kasance aikinta ne kawai don kare fararen hula da hana kai hare-haren Isra’ila kan Falasdinawa. Hamdan ya ƙara da cewa Hamas ba ta sami wani daftarin shawarwari ko shawarwari a hukumance daga masu shiga tsakani game da makaman ‘yan gwagwarmaya ba. Ya jaddada cewa: Matsayin Hamas yana da ƙarfi kuma ba ta amince da wata shawara a hukumance game da karbe makamanta ba, yana mai la’akari da gwagwarmaya a matsayin halaltacciyar haƙƙi muddin mamaya ta ci gaba