Falasdinawa 37 ne suka yi shahada a wani harin wuce gona da iri da sojoiin Isra’ila suka kai kan tantunan ‘yan gudun hijira a Gaza

Rahotonni sun bayyana cewa: Falasdinawa 37 ne suka yi shahada a harin wuce gona da iri da sojojin haramtacciyar kasar Isra’ila suka kai kan wasu yankuna a zirin Gaza tun daga wayewar garin ranar Juma’a, lamarin da ya kai ga adadin shahidai a Gaza zuwa 43,764 da kuma jikkatar wasu 103,490.

Har ila yau Wakilin gidan talabijin na Aljazeera ya bayyana cewa: Falasdinawa 4 ne suka yi shahada, kana wasu kuma suka jikkata sakamakon wani harin bam da sojojin na Isra’ila suka kai a yankin Karama dake arewa maso yammacin birnin Gaza.

Wani matashi kuma ya yi shahada a wani harin bam da sojojin na Isra’ila suka kai a unguwar Al-Midan a Beit Lahia.

Kamar yadda sojojin yahudawan sahayoniyya suka kai wasu jerin hare-haren kan yankunan Al-Fakhura da Al-Tawbah da ke yammacin sansanin ‘yan gudun hijira na Jabalia da ke arewacin zirin Gaza.