Search
Close this search box.

Amurka : ‘Yan Sanda Sun Murkushe Zanga-zangar Goyan Bayan Falasdinawa

A Amurka daruruwan jami’an yan sanda ne suka mamaye jami’ar Columbia da ke birnin New York, inda suka tarwatsa masu zanga-zangar goyon bayan Falasdinawa. rahotanni

A Amurka daruruwan jami’an yan sanda ne suka mamaye jami’ar Columbia da ke birnin New York, inda suka tarwatsa masu zanga-zangar goyon bayan Falasdinawa.

rahotanni sun nuna yadda yan sandan sukayi amfani da kwaranga wajen dirar wa dalibai a cikin makarantar, inda har ma suka yi awon gaba da wasu daga cikin masu zanga-zangar.

Tun da farko dai, jami’ar ta gargadi daliban makarantar kan su dakatar da zanga-zangar ko su fuskanci hukuncin kora.

Ko baya ga hakan wasu rahotannin sun ce : an samu hatsaniya a jami’ar California tsakanin masu zanga-zangar nuna goyon baya da kuma masu kin jinin Falasdinawa.

Lamarin ya faru ne lokacin da gungun masu zanga-zangar goyon bayan Isra’ila suka rika yin jifa da turakun da aka sanya domin killace masu zanga-zangar goyon bayan Falasdinawa.

A halin da ake ciki dai Zanga-zangar nuna goyon baya ga Falasdinawa na ci gaba da yaduwa a jami’o’in Amurka.

Ko a Jami’ar Los Angeles ma an yi irin wannan zanga zanga a wannan Laraba.

Sama da mutum 1000 ne aka kama cikin mako biyu sanadiyyar zanga-zangar, a cewar rahotannin.

Share

0 0 votes
Article Rating
Subscribe
Notify of
0 Comments
Inline Feedbacks
View all comments