Kungiyar gwagwarmayar Musulunci ta Hizbullah ta kasar Lebanon ta sanar da aiwatar da wasu jerin hare-hare kan haramtacciyar kasar Isra’ila tare da yin amfani da makamai nau’i daban-daban, gami da tabbatar da cewa hare-haren sun kai daidai yadda aka saita su.
Kungiyar Hizbullah ta jaddada cewa: Domin jaddada nuna goyon baya ga al’ummar Falastinu da jajircewar ‘yan gwagwarmaya a Zirin Gaza da kuma goyon bayan gwagwarmaya kare kai da neman hakki, mayakanta sun yi ruwa makamai masu linzami kan muhimman wurare a haramtacciyar kasar Isra’ila musamman na sojojin yahudawan sahayoniyya.
Majiyar kungiyar ta bayyana cewa: ‘Yan gwagwarmayar kungiyar ta Hizbullahi sun kai hare-hare kan yankin Al-Sammaqa da ke tsaunin Kufur Shuba kan sansanin sojin haramtacciyar kasar Isra’ila da makamai masu linzami, kuma hare-haren sun samu yadda aka saita su kai tsaye.
Kamar yadda mayakan kungiyar suka kai hare-hare kan sansanin sojin yahudawan sahayoniyya na Ruwaisat al-Qarn da ke gonakin Sheb’a na kasar Labanon da aka mamaye da makamai masu linzami.