Sojojin Rasha sun sanar a yau Talata cewa Ukiraniya ta harba makami mai linzami mai cin dogon zango kirar Amurka akan yankin  Briyansky dake kan iyaka.

Wannan shi ne karon farko da sojojin Ukiraniya su ka yi amfani da makami mai linzami mai cin dogon zango, tun bayan da Amurka ta ba su izinin yin hakan.

Ma’aikatar tsaron kasar Rasha ta ce; Da misalin karfe 3;:25 ne makiya su ka harba makamai masu linzami samfurin “Ballistic” har guda 6, wanda kirar Amurka ne.

Rasha ta ce wannan matakin na Amurka na bayar da izini ga Ukiraniya ta yi amfani da makami mai linzami mai cin dogon zanzo domin kai mata hari, zai fuskanci mayar da martani da ya dace, wanda kuma  za a ganshi a kasa.