Sojojin Yemen sun yi luguden makamai masu linzami kan sansanin sojin yahudawan sahyoniya

Rundunar sojin Yemen a yau Litinin ta sanar da aiwatar da wani gagarumin farmakin soji kan sansanin sojin Nahal Sorek da ke kudu maso gabashin Jaffa a yankin Falasdinu da aka mamaye da makamai masu linzami.

Rundunar sojin kasar ta Yemen ta bayyana a cikin wata sanarwa da ta fitar cewa: dakarun kula da makamai masu linzami sun kai wasu hare-haren soji masu inganci a kan sansanin sojin Nahal Sorek a kudu maso gabashin Jaffa a yankin Falasdinu da aka mamaye da wasu makamai masu linzami kirar “Palestine 2.”

Sanarwar ta tabbatar da cewa: Makaman sun kai daidai yadda aka saita su, lamarin da ya kai ga tashin gobara a kusa da wurin da aka kai hare-haren.