A jiya Juma’a ne sojojin kasar Yemen su ka fitar da wani faifen bidiyo da ya kunshi yadda  aka harbo jirgin na Amurka wanda yake shawagi a samaniyar gundumar “Jauf”.

Kakakin sojojin Yemen Janar Yahya Sari ya sanar da cewa, sun harbo jirgin na Amurka wanda yake aikin tattara bayanai.

Ya zuwa yanzu dai sojojin na Yemen sun yi nasarar kakkabo jiragen sama marasa matuku na leken asiri har guda 12, kamar yadda janar Sari ya bayyana.

Bugu da kari janar Sari ya ce, ba za su taba dakatar da kai hari akan HKI ko kuma hana jiragen ruwa zuwa tasoshin ruwan HKI, har sai idan an kawo karshen Gaza da kuma Lebanon.